Што е дијабет?

Дијабетот е едно од најчестите ендокринолошки заболувања на современиот начин на живеење. Во својот тек има прогресивен карактер, придружен со создавање на неповратни промени во органите на пациентот. Најчесто се засегнати васкуларниот и нервниот систем, бубрезите и мрежницата.

Дијабетесот е хронична болест која ги погодува луѓето од сите возрасти, без разлика на полот. Се смета дека постои „светска епидемија на дијабетес“, односно бројот на заболени постојано се зголемува.

Според проценките на Светската здравствена организација, моментално во светот има 285 милиони пациенти со дијабетес, што одговара на 6,4% од возрасната популација во светот. До 2030 година, се очекува над 438 милиони луѓе да имаат дијабетес.

Лабораториската дијагностика има голема улога, како во откривањето на болеста,како и во нејзиното следење. Денес, постојат стандардизирани методи со кои може да се постави соодветна дијагноза на многу едноставен и брз начин. Дијабетесот се лечи на различни начини, првично со апчиња и диета, а подоцна и со инјекции на хормонот инсулин.

Шеќерната болест или дијабетес мелитус е нарушување на зголеменото ниво на шеќер во крвта што се јавува кога панкреасот целосно или делумно ќе престане да го произведува хормонот инсулин. Инсулинот е хормон кој се лачи од бета клетките на панкреасот.

Кога некое лице станува дијабетичар, производството на инсулин се намалува или целосно престанува. Ова може да биде фатално бидејќи гликозата во крвта не се претвора во енергија што му е потребна на телото. Поради оваа причина, нивото на гликоза во крвта мора да се контролира и на пациентите со дијабетес има потреба од соодветен режим на исхрана, инсулин и лекови со цел да водат нормален живот.

Дијабетес мелитус е состојба на нарушен метаболизам на гликоза во организмот, со истовремено нарушување на преработката на мастите и протеините. Причините за оваа болест можат да бидат различни.

Во услови кога панкреасот не произведува доволно количества инсулин, тоа е дијабетес тип 1. Бидејќи оваа форма главно се јавува кај помладите луѓе, во литературата се среќава и името јувенилен дијабетес.

Дијабетесот може да се појави и кога панкреасот сè уште лачи инсулин, но не доволно за сите потреби на телото или кога клетките можат само делумно да користат инсулин, иако тој се произведува и се лачи од панкреасот во доволни количини. Во тој случај станува збор за дијабетес тип 2 и оваа форма на болест се јавува, претежно во средна возраст и старост над 35 години, и тогаш велиме дека станува збор за дијабетес кај возрасни.

Кај овој тип на дијабетес, барем на почетокот, нема зависност од инсулин бидејќи концентрацијата на инсулин во крвта е во референтниот интервал, намалена или зголемена. Дијабетес тип 2 веројатно е предизвикан од недоволно лачење на инсулин од панкреасот и негова неспособност правилно да делува при навлегувањето на гликозата во клетките на мускулното и масното ткиво, што се дефинира со терминот отпорност на инсулин.

Намалената чувствителност на периферните ткива на дејството на инсулинот доведува до хиперинсулинемија со цел да се одржи физиолошката концентрација на гликоза во крвта. Иако примарна инсулинска резистенција е можна кај луѓе со нормална тежина, најчеста основна причина за отпорност на инсулин е висцералната дебелина.

Болеста обично започнува постепено и напредува бавно. Кај напредната болест се појавува прекумерна жед, зголемено мокрење, поспаност, заматен вид, кај жените честа појава е вагинален исцедок. инфекции, чешање, пецкање и печење во стапалата. Овој тип на дијабетес се открива случајно, најчесто при систематски прегледи.

Закажи консултација со нутриционист и добиј насока за здрава исхрана, нашите нутритивни услуги можеш да ги разгледаш на овој ЛИНК или контактирај ме на следниов КОНТАКТ.

Останете здрави и среќни!