Рибата во исхраната

1. Зошто треба да консумираме риба

Поради својата енергетска и биолошка вредност, рибата е значајна намирница која треба да биде застапена на нашите трпези 2-3 пати неделно. За жал во нашата секојдневна исхрана таа е малку застапена и многу често наоѓаме причини со цел да се избегне нејзината консумација па така често знаеме да кажеме дека цената на чинење е висока, или дека неможеме да ја чистиме или не знаеме точно како се подготвува.

Рибата содржи малку повеќе минерални материи од месото добиено од топлокрвни животни, 1,0-1,5%. Тоа е посебно богата со калциум, фосфор, магнезиум и морската риба поради присуството на сол богата е и со јод и флуор што и дава особена, биолошка вредност (10 пати повеќе отколку во месото).

Содржи Омега 3 масни киелини кој не штитат од кардиоваскуларни зболувања, од различни воспалителни процеси, ги зајакнуваат крвните садови. Консумирајќи риба ние на нашиот организам му ги овозможуваме сите најзначајни витамини растврливи во масла,кој најмногу се содржат во рибиното масло А, Д, Е, особено поради А (6.000.000 IU/100е) и Д (8.500 IU/100g) витамини, рибиното масло е исклучително важно во диететиката. Најголемата количината на рибино масло се наоѓа во црниот дроб. Морската риба е побогата со витамини. Од витамини растворливи во вода, постојат тиамин и рибофлавин, особено во икрата.

2. Според потеклото, рибите се делат на слатководни- речни и морки или од солени води

Морска риба: скуша, сардина, лосос, туна

Речна риба која може да биде од базени каде се одгледуа рибата или од отворена вода : пастрмка, крап, шаран, јагула, штука

Рибата ја разликуваме и според содржината на масти и тоа :

-нискомаслена со помалку од 0,5% масти

- полу-масни со помалку од 10% масти

- масни содржи повеќе од 10% масти.

Хранливата вредност на рибата зависи од видот, возраста и начинот на одгледуваање и хранење. Енергетската вредност (80-250 kcal/100 g) зависи од содржината на вода и маснотиите. Содржината на вода е поголема отколку кај топлокрвните животни и се движи околу 75-80%. Количината на масти може да биде под 0,5% или околу 20%, што зависи од потеклото (бара или река, езеро). Црниот дроб и икрата содржат многу масти.

Колку е помала содржината на маснотии, толку повеќе протеини содржи рибата. Помалите и поситни риби содржат помалку маснотии од поголеми и крупни риби. Општо земено, содржината на протеини е висока, како кај топлокрвните животни. Во однос на содржината на есенцијални амино киселини, не постои важна разлика. Најважната разлика е во тоа што рибите немаат миглобин, па затоа немаат црвена боја, како месото на топлокрвните животни. Содржината на колаген е исто така помала отколку кај топлокрвните животни.

3. Нутритивен состав на некои видови риба:

Сардина- 25 гр протеини, 12 гр масти, 208 калории

Туна- 24 гр протеини, 4 гр масти, 144 калории

Лосос – 20 гр протеини, 12 гр масти, 206 калории

Скуша- 18,6 гр протеини, 2 гр масти, 184 калории

Ослич- 17 гр протеини, 0,3 гр масти, 71 калории

Пастрмка- 14.7 гр протеини, 3 гр масти, 86 калории

4. Внесот на конзервирана риба да се ограничи

Конзерва туна содржи 3 х повеќе жива од конзерва сардина. Поради тоа внесот на конзервирана риба треба да се ограничи особено кај деца и трудници.

Закажи консултација со нутриционист и добиј насока за здрава исхрана, нашите нутритивни услуги можеш да ги разгледаш на овој ЛИНК или контактирај ме на следниов КОНТАКТ.

Останете здрави и среќни!