Што претставува мелатонинот и зошто е важен за нашиот организам?

Мелатонин е хормон кој го поттикнува сонот во човековиот организам, и нам ни е познат како „хормон за спиење“ т.е одговорен е да даде информацијата до мозокот кога е време за спиење.

Тој е одговорен за регулација на циклусот, спиење-будење, и реагира на светлина и темнина - повеќе мелатонин се произведува кога ќе се стемни за да помогне полесно да можеме да заспиеме, а помалку се произведува кога изгрева сонцето и кога очите се изложени на светлина за да ви помогне да се разбудиме. Својата максимална концентрација ја достигнува помеѓу 2 и 4 часот во текот на ноќта, додека во текот на втората половина од ноќта доаѓа до постепено опаѓање.

• Мелатонин го штити кардиоваскуларното здравје. Мелатонин има моќни антиоксидантни способности.може да заштити и да лекува низа кардиоваскуларни состојби, вклучувајќи срцев удар, мозочен удар, висок крвен притисок и атеросклероза (акумулација на масти и холестерол во артериите).

• Мелатонин влијае на ризикот од дијабетес. Се покажа дека мелатонин има влијание и врз шеќерот во крвта и врз инсулинот, клучни маркери за метаболичкото здравје и двигатели на метаболички болести, особено дијабетес тип 2.

• Мелатонин штити од мозочни болести поврзани со староста, вклучително и Алцхајмерова болест. Луѓето со Алцхајмерова болест имаат тенденција да покажуваат пониски нивоа на мелатонин во споредба со постарите врсници без оваа болест. И губењето на мелатонин продолжува да ескалира како што напредува невродегенеративната болест. Сè поголем број истражувања покажуваат дека мелатонин има значајни невропротективни способности и може да помогне да се спречи Алцхајмеровата делумно со забавување или запирање на акумулацијата на оштетената амилоидна плоча и други штетни протеини во мозокот, за кои многу научници мислат дека стојат зад почетокот на болеста.

• Друга веројатна причина за способноста на мелатонин да го заштити здравјето на мозокот, според научната студија. Неговата улога во одржување на синхронизирани деноноќни ритми.

• Мелатонин е антиканцероген агенс. Истражувањата покажаа дека мелатонин може да го потисне растот на канцерогените клетки, ја зголемува ефикасноста на лекувањето на ракот, несаканите ефеккти од зрачење и хемотерапија.

Од што зависи производството на мелатонин во организмот?

Триптофанот е есенцијална аминокиселина која се користи во процесот на создавање на серотонин. Серотонинот е хормон кој помага во балансирање на расположението. Нуспроизвод на процесот на триптофан-серотонин е мелатонин, хормон кој го регулира спиењето и будењето.

Мелатонинот е главниот хормон на хипофизата кој се лачи исклучиво во вечерните часови. Хормонот се ослободува директно во крвотокот и цереброспиналната течност, и има слободен пристап до секоја клетка на човековото тело бидејќи е растворлив во масти.

Неговото лачење зависи од целокупната психо физичка состојба на организмот. Најчести состојби на недостаток на мелатонин имаат лица кои работат во ноќни смени, при патување и промени во временските зони (jet lag), слепи лица, лица со ноќна хипертензија, алцхајмерова болест, деца со нарушен развој. Стареењето, присуство на одредени болести, земањето на одредени лекови влијаат на лачењето на мелатонин и се поврзани со нарушувања на сонот.

Храна која треба да се избегнува во вечерните часови

Ограничете го внесот на кофеин, особено попладне или навечер кога неговите стимулативни ефекти можат да ве одржат будни ноќе. Умерено консумирање алкохол да не се зема храна предоцна за да не се вари пред спиење и да имате помал ризик од рефлукс на киселина. Храна која треба да се избегнува пред спиење е следнава:

Зачинета, лута или кисела храна. Може да предизвика флуктоации на одредени киселини во оргнизмоти да предизика гастроинтестинални проблеми.

Чоколадо. Несомнено дека е навистина вкусна намирница но околадото е храа која на организмот му дава енергија, богато со шеќер содржи кофеин, и може да не држи будни. Дури и темното чоколадо може да предизвика проблеми со спиењето. Темното чоколадо има тенденција да има поголема содржина на кофеин од другите видови чоколадо, и од тука може да не држи будни подолго. Сето ова се должи на поголемата содржина на какао бидејќи како намирница е познато дека во себе содржи одредена количина кофеин.

Домати. Дека доматите се здрава намирница која содржи многу витамини, е и научно потврден податок, но тие влегуваат во категорија на кисела храна. Ова може да биде проблематично за оние кои страдаат од рефлукс на киселина или чувствителен стомак.

Пица. За жал, пицата е комбинација од рафинирани јаглехидрати, сос од домати и додатоци со висока содржина на масти како сирење и феферони, кои можат да го забават варењето на храната и да предизвикаат воспаление.

Цитрусни овошја. Цитрусите се одлична храна, но треба да го избегнувате пред спиење бидејќи се природни диуретици, што значи дека ако го консумира непосредно пред спиење може да се разбудите во текот на ноќта со цел да се исфрлат течностите.

Храна која го поттикнува производството на мелатонин

Чаша топло млеко е добро познат и вообичаен лек за спиење, и тоа со добра причина! Млекото е еден од најдобрите диететски извори на мелатонин. Содржи и аминокиселина триптофан, која ги зголемува концентрациите на мелатонин и серотонин и ви помага полесно да заспиете.

Масните риби како лососот и туната не се само храна богата со мелатонин, туку тие се исто така богати со витамин Б6, омега 3 масни киселини, магнезиум и витамин Д - сите тие се важни за регулирање на серотонин, промовирање на здрав сон и промовирање. подобра функција во текот на денот.

Бананите се неверојатно здраво овошје. Бананите содржат мелатонин, триптофан, витамин Б6 и магнезиум, кои се одлични за производство на серотонин и помагање за спиење. Бананите се уште еден „добар“јаглехидрат кој не само што може да ви помогне да спиете, туку и да се чувствувате повнимателно во текот на денот. Тоа е затоа што бананите содржат сложени јаглехидрати, кои можат да ви дадат енергија во текот на целиот ден. Постојат и делови од светот каде и кората на банание се користи за подготовка на чај кој е богат со калиум и магнезиум и го поттикнува лачењето на мелатонин.

Црешите и вишните се богати со антоцијани и витамини. Содржат значително количество магнезиум а консумацијата на концентриран сок може да влијае на тој начин да се продолжи времето на спиење т.е влијаат директно на времетраењето на сонот

Ф'стаците се исто така богати со витамин Б6, кој помага да се претвори триптофан во мелатонин. Ф'стаците се одличен извор на влакна, омега 3 масни киселини - кои се поврзани со повисок квалитет на спиење - и антиоксиданси.

Спиењето е комплициран процес на кој влијаат многу фактори, вклучително и менталното здравје, изложеноста на светлина и основните физички проблеми. Начинот на исхрана е исто така сложен процес кој е под влијание на тоа во кој период од денот, што и колку храна сме консумирале. Не секоја единка исто реагира на одредена храна или одреден начин на исхрана па поради тоа неможеме да предложиме универзален начин на исхрана кој би влијаел исто кај сите. Но препорака е избалансиран начин на исхрана кој ќе ги содржи најзначајните макро и микро нутриенти кои ќе бидат консумирани во вистинско време и правилно распоредени во оброци а како таков пример е Медитеранскиот начин на исхрана. Храната е значаен параметар за правилно лачење на мелатонинот п поради тоа мора да внимавеме во текот на целиот ден како се храниме.

Закажи консултација со нутриционист и добиј насока за здрава исхрана, нашите нутритивни услуги можеш да ги разгледаш на овој ЛИНК или контактирај ме на следниов КОНТАКТ.

Останете здрави и среќни!